92-ci Akademiya Mükafatı namizədləri açıqlandı. “Joker” 11 namizədlik alarkən, “1917” 10 namizədlik aldı. Ardınca “İrlandiyalı” (The Irishman) və “Bir dəfə... Hollivudda” (Once Upon a Time… in Hollywood) sırası ilə davam etdi. Film dünyasının ən prestijli mükafatları olan Akademiya Mükafatları, ya da daha çox istifadə olunan adıyla “Oskar” mükafatları, bu il 92-ci dəfə sahiblərinə qovuşacaq.
9 fevral gecəsi təşkil olunacaq tədbirlə sahiblərini tapacaq 92-ci Akademiya Mükafatlarında “Oskar” üçün yarışacaq filmlər və adlar, təşkil olunan mətbuat konfransı ilə açıqlandı. “Joker” 11 namizədlik alarkən, “1917” 10 namizədlik aldı. Ardınca “İrlandiyalı” (The Irishman) və “Bir dəfə... Hollivudda” ( Once Upon a Time… in Hollywood) sırası ilə davam etdi.
Qreta Gerviq (Greta Gerwig) imzalı Little Women aldığı 6 namizədliklə ön plana çıxan proyektlərdən biri olsa da Qreta Gerviq (Greta Gerwig) Ən Yaxşı Rejissor namizədləri arasında yer almadı. Beləcə “Qızıl Qlobus” ve BAFTA’dan sonra Akademiya Mükafatlarında da Ən Yaxşı Rejissor kateqoriyasındakı bütün namizədlər kişi rejissorlardan ibarət oldu.
Bu il “Oskar” namizədlərində ən böyük sürprizlərdən biri Ən Yaxşı İkinci Plan Qadın Aktrisa kateqoriyasında yaşandı. Hustlers filmindəki performansıyla “Oskar” namizədliyi almasına əminliklə baxılan, hətta bu kateqoriyada Lora Dernin (Laura Dern) ən böyük rəqibi olduğu düşünülən Cennifer Lopezin (Jennifer Lopez) namizədlər arasında yer almaması təəcüb yaratdı.
92-ci Akademiya Mükafatı Namizədləri: Ən Yaxşı Film – “1917”, “Ford Ferrariyə Qarşı” (Ford v Ferrari), “İrlandiyalı” (The Irishman), Jojo Rabbit, “Joker”, Little Women, Marriage Story, “Bir dəfə... Hollivudda” (Once Upon a Time… in Hollywood), Parazitlər (Parasite).
Ən Yaxşı Rejissor; Pon Cun-Ho (Bong Joon-ho) – Parazitlər (Parasite), Sam Mendes – 1917, Todd Fillips (Todd Phillips) – Joker, Martin Skorseze (Martin Scorsese) – The Irishman, Kventin Tarantino (Quentin Tarantino) – Once Upon a Time… in Hollywood.
Ən Yaxşı Kişi Aktyor: Antonio Banderas (Antonio Banderas) – Pain and Glory, Leonardo DiKaprio (Leonardo DiCaprio) – Once Upon a Time… in Hollywood, Adam Drayver (Adam Driver) – Marriage Story, Xoakin Feniks (Joaquin Phoenix) – Joker, Conatan Prays (Jonathan Pryce) – The Two Popes.
Ən Yaxşı Qadın Aktrisa: Cynthia Erivo – Harriet, Skarlett Yohansson (Scarlett Johansson) – Marriage Story, Sirşa Ronan (Saoirse Ronan) – Little Women, Şarliz Teron (Charlize Theron) – Bombshell, Rene Zellveger (Renée Zellweger) – Judy.
Ən Yaxşı İkinci Plan Qadın Aktrisa: Lora Dern (Laura Dern) – Marriage Story, Skarlett Yohansson (Scarlett Johansson) – Jojo Rabbit, Florens Pyu (Florence Pugh) – Little Women, Keti Beyts (Kathy Bates) – Richard Jewell, Marqo Robbi (Margot Robbie) – Bombshell.
Ən Yaxşı İkinci Plan Kişi Aktyor: Tom Henks (Tom Hanks) – A Beautiful Day in the Neighborhood, Entoni Hopkins (Anthony Hopkins) – The Two Popes, Al Paçino (Al Pacino) – The Irishman, Co Peşi (Joe Pesci) – The Irishman, Bred Pitt (Brad Pitt) – Once Upon a Time… in Hollywood. 
