Corc Nolfi – amerikalı ssenarist, rejissor, prodüserdir. ABŞ-ın Massaçusets ştatının Boston şəhərində anadan olub. Homvud (İllinoys ştatı) orta məktəbində natamam orta təhsil alıb. Daha sonra təhsilini Flosmoor məktəbində davam etdirib. Prinston Universitetini fərqlənmə ilə bitirib, dövlət siyasəti ixtisası üzrə bakalavr dərəcəsi əldə edib. Daha sonra Marşall təqaüdü ilə Oksford universitetində oxuyub. Fəlsəfə üzrə diplom işi, ardınca isə Kaliforniya Universitetində siyasi elm sahəsi üzrə doktorluq dissertasiyası yazıb. Nolfi kinoda debütünü ssenarist olaraq gerçəkləşdirib. 2003-cü ildə “Zaman tələsi” adlı filmin ssenari müəllifi olub. Daha sonra “Ouşenin 11 dostu”, “Bornun Ultimatumu” kimi filmlərə ssenari yazıb.