Koronavirus epidemiyası səbəbilə ertələnən Black Widow və Mulan üçün yeni premyera tarixləri müəyyən edən Disney, başda Marvel filmləri və Indiana Jones 5 olmaq üzrə önümüzdəki dövrdə çıxacaq bir çox filmin premyera tarixini dəyişdirdi.
Son illərdə böyük büdcəli proyektləri ilə kassayı domine edən Disney, bu il də xüsusilə yay aylarında kassada olduqca iddialı olan filmləri filmsevərlərin ixtiyarına verməyə hazırlaşırdı. Bu səbəbdən keçən ay koronavirus səbəbiylə hardasa bütün dünyada film salonları bağlanınca bundan ən çox təsirlənən şirkətlərdən biri də Disney oldu.
Klassik animasiya filmindən adaptasiya olunan Mulan‘ın premyerasına günlər qalmış ertələmək məcburiyyətində qalan Disney, sonrakı günlərdə Black Widow, The New Mutants, The Woman in the Window kimi filmləri də ertələdi. Studiya, o günlərdə epidemiyanın gedişatı naməlum olduğu üçün bu filmləri müddətsiz olaraq ertələdi və yeni premyera tarixləri açıqlanmadı. Ancaq aradan keçən müddətdə epidemiyanın necə irəliləyəcəyinə dair daha dəqiq modellərin ortaya çıxması, studiyanın yeni premyera tarixlərini müəyyən etməsini təmin etdi. Indiana Jones 5 və Thor: Love & Thunder’ı 2022-ci ilə ertələdi.
Black Widow və Mulan kimi daha əvvəl ertələnən filmlər üçün yeni premyera tarixləri müəyyən edilərkən, həm premyera təqvimlərindəki bu dəyişikliklərin, həm də prodakşların dayanmasının təsiri ilə Indiana Jones 5 və Thor: Love & Thunder kimi filmlər də bir il ertələndi. Bundan əlavə Eternals və Doctor Strange in the Multiverse of Madness kimi Marvel filmlərinin də premyera tarixləri irəli bir tarixə alındı.
Studiyanın 21st Century Fox razılaşması ilə təhvil aldığı The New Mutants və The Woman in the Window üçün hələ yeni premyera tarixləri müəyyən edilməyib. Kennet Brananın (Kenneth Branagh) rejissoru olduğu Artemis Fowl adaptasiyasının isə premyerası olmadan Disney+’də yayımlanacağı eşidildi. Digər yandan bir müddət əvvəl eşitdirilən Captain Marvel 2‘nin də premyera tarixi açıqlandı.
Disney’in premyera tarxində etdiyi dəyişiklər belədir: Black Widow – yeni premyera tarixi 6 noyabr 2020 müəyyən edildi, Mulan – yeni premyera tarixi 24 iyul olaraq müəyyən edildi, Free Guy – 3 iyul 2020-dən 11 dekabr 2020-yə ertələndi, Jungle Cruise – 24 iyul 2020-dən 30 iyul 2021-ə, Eternals – 6 noyabr 2020-dən 12 fevral 2021-ə, Shang-Chi and the Legend of the Ten Rings – 12 fevral 2021-dən 7 may 2021-ə, Doctor Strange in the Multiverse of Madness – 7 may 2021-dən 5 noyabr 2021-ə, Indiana Jones 5 – 9 iyul 2021-dən 29 iyul 2022-yə, Thor: Love And Thunder – 5 noyabr 2021-dən 18 fevral 2022-yə ertələndi, Captain Marvel 2 –premyera tarixi 8 iyul 2022 olaraq açıqlandı.
