Hayden Lesli Panettyeri 21 avqust 1989-cu ildə ABŞ-da anadan olub. Atası yanğınsöndürən Alan Panettyeri, anası teleserial aktrisası Lesli Voceldir. Haydenin aktyor olan özündən kiçik qardaşı var (Censen Panettyer). 2009-2018-ci illərdə boksçu Vladimir Kliçko ilə görüşüb. Onlar 2013-cü ildə nişanlanıblar. Keçmiş cütlüyün Kaya Yedkoviya Kliçko adlı qızları olub (9 dekabr 2014 təvəllüdlü). 2018-ci ildə Panettyerinin anası cütlüyün yollarını ayırdığını, habelə dost qaldıqlarını bildirib. 2007-ci ildə ekoloqların keçirdiyi aksiyada (delfinlərin ovuna etiraz olaraq) iştirak etdikdən sonra, Yaponiya onunla bağlı həbs orderi verib. Buna baxmayaraq iki ildən sonra Yapon sahillərinə yollanaraq, orada “Oskar” mükafatçısı olan filmdə  - “Buxta” sənədli filmində özünü oynayıb. 11 yaşında olanda Disneyin “Titanları xatırlayarkən” filmində oynadığı Şeril Yos rolu ilə məşhurlaşıb. Həmin film ona mükafat qazandırıb. Ona şöhrət qazandıran ikinci layihə CBS telekanalına yayımlanan “Qəhrəmanlar” (Heroes) elmi-fantastik serialında Kler Bennet rolu olub. 2012-2016-cı illərdə “Neşvill” teleserialında müğənni Culyetta Barns rolunu ifa edib. Həmin rol ona ən yaxşı ikinci plan aktrisası nominasiyasında ard-arda iki il (2012, 2013) “Qızıl qlobus” nominasiyası qazandırıb.

Ətraflı məlumat üçün aşağıdakı linkə basın:
https://en.wikipedia.org/wiki/Hayden_Panettiere