Maykl Oliver - amerikalı aktyordur. “Çətin uşaq” komediya franşizasında oynadığı nadinc və ipə-sapa yatmayan Cunior rolu ilə məşhurlaşıb. 2005-ci ildə “The Greatest” nəşri kinematoqrafiya tarixinin 100 ən yaxşı uşaq-aktyoru siyahısında Oliveri 68-ci yerdə göstərib. Maykl aktyor Luis Denniel Ponsenin və müğənni Luanna Ponsenin ögey qardaşıdır. Maykl aktyor karyerasına hələ 2 yaşı olanda qədəm qoyub. Şəkilləri “Sears” satış şəbəkəsinin kataloqlarını uşaq modeli olaraq bəzəyib. Daha sonra “Chevron” neft şirkətinin reklam çarxlarında çəkilib. Həmin reklamdan sonra “Çətin Uşaq” komediya filminin kastinq agentliyinin diqqətini çəkir. Reklam agentliyi vasitəsilə onu axtarıb tapır və bir neçə gündən sonra baş rol məhz Oliverə nəsib olur. Oliver onu məşhur edən bu komediya ilə yanaşı müxtəlif teleşoulara o cümlədən, «Amen», «Platypus Man» və  «Drexell’s Class» kimi proqramlara qatılıb. Hazırda “The Samples” və “Nural” qruplarının texniki heyətinin üzvüdür. 2015-ci ildə verdiyi müsahibədə Oliver şöhrətdən uzaq düşmüş həyatından razı qaldığını ifadə edib və aktyorluq edən zaman onu hər zaman gündəmdə saxlayan mətbuat nümayəndələrinə təşəkkür edib. 4 iyun 2016-cı ildə keçmiş rəfiqəsi Maqnoliya ilə Beverli Hillzdə ailə qurub.

Ətraflı məlumat üçün aşağıdakı linkə basın: