Cessi İden Metkalf 9 dekabr 1978-ci ildə Kaliforniyanın Karmel vadisində anadan olub. Nensi və Ceff Metkalfın ailəsində böyüyüb. Atası fransız və italyan əsillidir, anasının damarlarında isə italyan və portuqal qanı axır. Konnektikut ştatının Nyu-London şəhər orta məktəbini bitirib, Nyu-York Universitetinə daxil olsa da, rejissor və ssenarist karyerası qurmaq üçün təhsilini yarımçıq buraxıb. NBC telekanalında yayımlanan “Ehtiraslar” sabun operasının kastinqlərindən keçdikdən sonra 1999-2004-cü illərdə Migel Lopes Fitzceral rolunu oynayıb. 2003-2004-cü illərdə “Smolvill sirləri” serialının iki epizodunda qisasçı Van Maknalti rolunda görüntülənib. 2004-cü ildə ABC-nin populyar “Məyus evdar qadınları” serialında ev sahibəsi Qabriel Solislə gizli sevgi əlaqələri olan yeniyetmə bağban rolunu oynayıb. 2004-cü ilin noyabr ayında USA Today nəşri onu ən yaraşıqlı kişi aktyorlardan biri kimi qələmə verib. 2009-cu ildə Metkalf Ember Temblin və Maykl Duqlasla birgə 1956-cı ilin “Ağılabatan şübhə” filminin remeykinə çəkilib. Daha çox “Məyus Ev Qadınları” sabun operasında oynadığı Con Roulend, “Ehtiraslar” sabun operasında Migel Lopez Fitzcerald, “Dallas” serialında Kristofer Yunq rolu ilə tanınır. Şəxsi həyatına gəlincə 2006-cı ildən başlayaraq Girls Aloud qrupunun vokalisti Nadin Koylla görüşüb. Tərəflər 2007-ci ildə yollarını ayırıb. 2008-ci ildə aktrisa və model Kara Santana ilə eşq macərası yaşayıb. 2016-cı ildə cütlük nişanlanıb.

Ətraflı məlumat üçün aşağıdakı linkə basın:
https://ru.wikipedia.org/wiki/%D0%9C%D0%B5%D1%82%D0%BA%D0%B0%D0%BB%D1%84,_%D0%94%D0%B6%D0%B5%D1%81%D1%81%D0%B8