Rayan Kolin Kavana 4 dekabr 1974-cü ildə Los-Ancelesdə (ABŞ) yəhudi sahibkar ailəsində doğulub. Məktəbi bitirdikdən sonra Los-Ancelesin Kaliforniya Universitetində oxuyub. Təhsili başa vurduqdan sonra öz kiçik müştərək şirkətini yaradıb. Biznes sahəsində uğur qazanıb və ildən ilə aktivləri böyüyərək 2013-cü il göstəricilərinə görə 1 milyard dollara çatıb. “Relativity Media” şirkətinin təsisçisi və icraçı direktorudur. Həmin şirkət vasitəsilə toplam gəlirləri 17 milyard dollar olan 200-dən çox bədii filmin çəkilişlərini maliyyələşdirib. Onu Hollivudda zarafatyana “Milyard dollarlıq prodüser” adlandırırlar. 2013-cü ildə “Forbes” versiyasına görə dünyanın ən zəngin milyarderlərinin reytinqində 19-cu yerdə qərarlaşıb. Filmlərə sponsorluq və prodüserlik etməklə yanaşı, filantropdur və müxtəlif humanitar layihələrdə iştirak edir. 2015-ci ildə model Cessika Rufi ilə ailə qurub. Bu onun sayca üçüncü evliliyidir.

Ətraflı məlumat üçün aşağıdakı linkə basın:
https://en.wikipedia.org/wiki/Ryan_Kavanaugh