Con Debni 18 avqust 1956-cı ildə Qlendeyldə (Kaliforniya, ABŞ) anadan olub. Atası Luis Debni “Disney Studiyası”nın prodüseri idi. Con məhz burada altı yaşından gitara dərsi alır və daha sonra kollecdəki rok qruplarında gitara çalmağa başlayıb. Kaliforniya Sənət Universitetini bitirib. 1975-ci ildə “Dünyanın ən güclü insanı” filmində epizodik rolla aktyor kimi debüt edib. 1980-ci illərdən başlayaraq filmlərə və teleseriallara mahnı yazır. İlk uğurlu işləri “Skubi-Du ləqəbli küçük”, “Ulduz Yolu: Uzaq kosmos”, “Fokus-Pokus” filmlərinə yazdığı musiqilər olur. “Yalançı, yalançı” (1997), “İmperatorun macəraları” (2000), “Qüdrətli Brüs” (2003), “Elf” (2003), “Məsihin ehtirası” filmlərinə yazdığı musiqilərlə adını ən yaxşı bəstəkarlar sırasına salmağı bacarıb.

Ətraflı məlumat üçün aşağıdakı linkə basın:
https://en.wikipedia.org/wiki/John_Debney