Rupert Qreyvs (ing. Rupert Graves, 30 iyun 1963, Uesten-süper-Mer, Somersetşir, Böyük Britaniya) – ingilis teatr və kino aktyorudur. 30 iyun 1963-cü ildə İngiltərənin Uesten-süper-Mer kurort şəhərində anadan olub. Anası tur operator, atası musiqi müəllimi olub. Orta təhsilini doğma şəhərində idman təmayüllü Vivyen akademiyasında alıb. 15 yaşında həmin təhsil ocağından çıxıb. Karyerasının əvvəlində sirk klounu ampluasında fəaliyyət göstərib. Kinoda ona ilk dəfə “Görüntülü otağ” filmində oynadığı rol gətirib. Ekran əsərində tərəf müqabilləi Meqqi Smit, Cudi Denç və kinokaryerasında yeni addımlarını atan Helena Bonem Karyer olub.  Ardınca Hyü Qrantla “Moris” kinolentinə çəkilib. Daha sonra “Qızlar başqa cür xoşlayır”, “İntim münasibətlə”, “Forsaytlar haqda  saqa” kimi lentlərdə rol alıb. Yeni populyarlıq dalğasına “Şerlok” serialında oynadığı müfəttiş Lestreyd rolu ilə qovuşub. 1987-ci ildə doğma şəhərində İvonn adlı vitraj rəssamı ilə tanış olub. Onlar uzun müddət vətəndaş nikahında yaşayıblar və Rupert ona yeniyetmə qızlarını böyütməyə köməy edib. 2000-ci ildə onlar yollarını ayırıblar. Çox keçmədən o tamaşalar üzrə quruluşçu-kordinator Süzi Lüislə tanış olub. Bir müddətdən sonra münasibətlərini rəsmiləşdiriblər. Onların bu nikahdan beş övladı var.

Ətraflı məlumat üçün aşağıdakı linkə basın:
https://ru.wikipedia.org/wiki/%D0%93%D1%80%D0%B5%D0%B9%D0%B2%D1%81,_%D0%A0%D1%83%D0%BF%D0%B5%D1%80%D1%82