Asif Kapadia – britaniyalı rejissordur. 1972-ci ildə Londonun şimalında anadan olub. Hindistanlı müsəlman mühacirlərin nəslindəndir. NyuPort Kino Məktəbini bitirib. Daha sonra Vestminster Universitetində Kino, televiziya və fotoqrafiya sənəti ixtisası üzrə bakalavr diplomu (fərqlənmə ilə) əldə edib. Magistr pilləsinə isə Royal College of Art incəsənət kollecində yüksəlib (televiziya və kino rejissorluğu ixtisası üzrə). Onun debüt işlərindən sayılan “Qoyun oğrusu” adlı qısametrajlı filmi Kann, Brest və Puatye kinofestivalında bir sıra mükafatlara layiq görülüb. İlk tammetrajlı filmi sayılan “Döyüşçü” (2001), üç nominasiyada BAFTA mükafatına namizəd olub və ən yaxşı britaniya filmi kateqoriyasında Aleksandr Kord adına mükafata və ən yaxşı tammetrajlı debüt nominasiyasında Karl Forman adına mükafata layiq görülüb.

Ətraflı məlumat üçün aşağıdakı linkə basın:
https://kino-teatr.ua/person/kapadia-asif-575.phtml