Eddi Redmeyn 6 yanvar 1982-ci ildə Londonda (İngiltərə) anadan olub. İbtidai təhsilini bitirdikdən sonra kollecdə şahzadə Uilyamla eyni sinifdə oxuyub. Britaniyalı aktyor, model və müğənnidir. "Hər şeyin nəzəriyyəsi" filmində məşhur fizik-nəzəriyyəçi Stiven Hokinqin obrazı aktyora dünya şöhrəti qazandırıb. Kino tənqidçilərinin fikrincə, Redmeyn bu rolun öhdəsindən layiqincə gəlib. O həm də "Ən yaxşı kişi rolu"na görə "Oskar" mükafatının laureatı, Britaniya Kino akademiyasının və "Qızıl Qlobus" mükafatlarının sahibi, həmçinin "Toni" və "Lourens Olivye" mükafatlarının laureatıdır. 15 dekabr 2015-ci ildə Eddi ictimaiyyətlə əlaqələr üzrə menecer Hanna Baqşo ilə evlənib. Cütlüyün bir oğlu, bir qızı var.

Ətraflı məlumat üçün aşağıdakı linkə basın:
https://en.wikipedia.org/wiki/Eddie_Redmayne