Cek O.Konnell 1 avqust 1990-cı ildə İngitərənin Derbi şəhərində anadan olub. “Məğlub olmayan” (2014) və “Zəngdən zəngə” (2013) filmlərinə görə ABŞ Kino Tənqidçiləri İttifaqının “İlin yüksəlişi” və BAFTA-nın “Yüksələn Ulduz” mükafatlarına namizəd göstərilib. O. Konnell babası kimi futbolçu olmaq istəsə də, zədə səbəbindən bu arzusuna çata bilmir. Müqəddəs Benedikt məktəbində və səhnə sənətləri kollecində təhsil alıb. Aktyorluq karyerasına 2005-ci ildə “Həkimlər” sabun operasına çəkilməklə başlayır. Daha sonra “Təmiz ingilis qətli” serialının bir neçə seriyasına çəkilir. 2006-cı ildə böyük ekranda debüt edərək, “Bura İngiltərədir” filminə çəkilib.