Yakob Oftebro 12 yanvar 1986-cı ildə Norveçin Oslo şəhərində dünyaya gəlib. Atası Nils Ole Oftebro aktyor, anası Kaya Korsvold isə müxbir idi. Elizabet adlı bacısı və Yonas adlı qardaşı var. Qardaşı Yonas Oftebro da aktyordur. Uşaq vaxtlarında Yakob aktyor olmaq arzusunda idi. 2004-cü ildə 18 yaşlı Yakob Oslo şəhərindəki Norvec Milli Teatr Akademiyasına daxil olur. Həmin ildən də kinoda çəkilməyə başlayır. 2007-ci ildə Kopenhagendəki Milli Teatr Məktəbinə daxil olmamışdan əvvəl Stavanger şəhərindəki Roqaland teatrında işləyirdi. 2008-ci ildən 2011-ci ilə qədər Yakob “Munqo Park” teatrında işləyib. Aktyor norvec, ingilis, alman, ispan, Danimarka dillərində sərbəst danışır. Norvec aktrisası İben Akerliye ilə münasibətdədir.