Allahrakka Rəhman 6 yanvar 1966-cı ildə Mədrəsdə (Hindistan) anadan olub. Əsl adı A.S. Dilip Kumar olub. 22 yaşı olanda ailəsi İslam dinini qəbul edir və bəstəkar özünə müsəlman adı seçir. Onun atası bəstəkar və dirijor olub, filmlər üçün musiqilər yazıb. Allahrakka Rahman dörd yaşından musiqiyə maraq göstərib, 11 yaşında isə bəstəkar İlayaaracinin orkestrində çıxış edib. Rəhman gəncliyində özü və dostları tərəfindən yaradılmış qruplarda fortepiano, sintezator və gitarada ifa edib. O, London Musiqi Kollecinin şərq klassik musiqisi fakültəsində təhsil alıb. 2002-ci ildə Endrü Lloydun prodüserliyi altında yazıcı Don Bləklə birlikdə “Bombey arzuları” müziklını yaradır. Bu əsər Londonda böyük uğur qazanır. Finlandiyanın folk qrupu "Varttina" və bəstəkar Kristofer Naytingeyllə birlikdə 2004-cu ildə “Üzüklər hökmdarı”nın teatr tamaşasına musiqi yazıb.

Ətraflı məlumat üçün aşağıdakı linkə basın:
https://en.wikipedia.org/wiki/A._R._Rahman