Lasse Hallström 2 iyun 1946-cı ildə Stokholmda (İsveç) anadan olub. Üç dəfə “Oskar” mükafatına namizəd göstərilib. Rejissorun anası Karin Lüberq yazıçı idi, ana tərəfdən babası Ernst Lüberq isə İsveç liberal partiyasının lideri və Karl Qustav Eqmanın birinci kabinetində İsveçin maliyyə naziri olub. Lassenin atası diş həkimi idi. Əvvəllər Hallström “ABBA” qrupu üçün musiqi klipləri çəkib. “Mənim it kimi həyatım” filmini çəkdikdən sonra dünya şöhrəti qazanır. Bundan sonra diqqətləri üzərinə çəkməyi bacaran rejissor, ABŞ kino sənayesi bazarına girir. 1999-cu ildə çəkdiyi “The Cider House Rules” filmi yeddi kateqoriya üzrə “Oskar”a namizəd göstərilir və iki kateqoriya üzrə mükafatı qazanır.

Ətraflı məlumat üçün aşağıdakı linkə basın:
https://en.wikipedia.org/wiki/Lasse_Hallstr%C3%B6m