Aleksandr İqoreviç Borisoqlebski – rusiyalı jurnalist, televiziya aparıcısı, prodüser, rejissordur. 15 yanvar 1959-cu ildə Leninqrad şəhərində (indiki Sankt Peterburq, Rusiya) anadan olub. 1982-ci ildə konservatoriyanı bitirdikdən sorna Sovet Ordusunun sıralarına çağrılıb. 1984-cü ildə teatr truppasına qoşulmaq imkanı əlinə düşsə də, atasının getdiyi yolu davam etdirməyə qərar verir və 1984-cü ildən etibarən televiziyada çalışmağa başlayır. Əvvəl informasiya və təbliğat baş redaksiyasının ştatdankənar müxbiri kimi fəaliyyət göstərib, ardınca redaktor və prodüser olub. 1988-ci ildən Leninqrad televiziyasının bədii birliyinin direktoru olub. 1991-ci ildə Sankt-Peterburq meriyasında işləməyə başlayıb, paralel olaraq “Peterburq islahatlara dəstək fondu” ictimai fonduna başçılıq edib. Meriyada xarici-iqtisadi əlaqələr üzrə birinci müavin vəzifəsini tutub. 90-cı illərdə “Pro-Anima” adlı Rusiya-Hollandiya televiziya şirkətini yaradıb. 2005-ci ildə  həmin şirkət Almaniyanın “ARD” və Rusiyanın “ORT” telekanalları ilə birgə “Kreml” adlı filmi ərsəyə gətirib. Kremldə çalışan insanların həyatından bəhs edən film Nyu-York sənədli və televiziya filmləri festivalında ikinci yeri tutub (2007-ci il). 

Ətraflı məlumat üçün aşağıdakı linkə basın: