Vinsent Uoller (ing. Vincent Waller) – amerikalı animator, rejissor, ssenarist, rəssamdır.  Bir sıra animasiyalar və cizgi serialları üzərində çalışıb. Ən çox “Süngər Bob” və “Ren və Stimpinin şousu” cizgi serialları ilə tanınır. 1999-cu ildə Vinsent Uoller “Süngər Bob” cizgi serialının orijinal çəkiliş qrupunun heyətinə daxil edilərək, ssenarist və rəssam olub. Birinci mövsüm başa çatandan sonra layihəni tərk edib və rejissorluqla məşğul olmağa başlayıb. Dördüncü mövsümdə o layihəyə qayıdıb və  Derek Draymonun yerinə cizgi serialının kreativ rejissoru təyin olunub. Kreativ rejissor olaraq çəkiliş qrupunun bütün toplantılarında iştirak edib.2015-ci ildə Vinsent Mark Çekkarelli ilə birlikdə Pol Tibbitin əvəzinə şouraner vəzifəsinə təyin ediliblər. İki şourannerin olmasına görə kreativ rejissorluq postu ləğv olunub. 2018-ci ildə Stiven Hillenberqin ölümündən sonra ona həm də icraçı prodüser vəzifəsi həvalə olunub.

Ətraflı məlumat üçün aşağıdakı linkə basın:

https://ru.wikipedia.org/wiki/%D0%A3%D0%BE%D0%BB%D0%BB%D0%B5%D1%80,_%D0%92%D0%B8%D0%BD%D1%81%D0%B5%D0%BD%D1%82