Vladimir Yevgenyeviç Kristovski - rusiyalı musiqiçi, aktyor, "Uma2rmaH" qrupunun lideridir. Sergey Kristovskinin kiçik qardaşıdır. 19 dekabr 1975-ci ildə Qorki şəhərində (indiki Nijni Novqorod) anadan olub. 1998-ci ildə “Vid sverxu” adlı pank-rok qrupunu yaradıb, mahnılar yazaraq kassetləri səsyazma studiyalarına göndərib. Ancaq heç birindən müsbət cavab gəlməyib. Daha sonra üç trekdən ibarət kasset yazıb və qrup həmin treklərlə “Jivoy Zvuk” qəzetinin keçirdiyi müsabiqənin qalibi olub. Hərçənd bir müddətdən sonra qrup dağılıb. 2003-cü ildə qardaşı Sergeylə birlikdə “Uma2rmaH” qrupunu yaradıb.  Musiqiçi kimi böyük populyarlıq qazanmasından sonra bir sıra kinolayihələrə aktyor qismində dəvət olunub. STS telekanalında “İnfomaniya” proqramının köşə yazarlarından olub. İkinci həyat yoldaşı Olqa Pilevskaya qab-qacaq dizayneri və Vladimirin piar-kampaniyasının əməkdaşıdır, sosial şəbəkələrdə ərinin yaradıcılığının təbliği ilə məşğul olur. Onların 2016-cı il təvəllüdlü Fyodor adlı oğlu və 2020-ci il təvəllüdlü Teya adlı qızları var.

Ətraflı məlumat üçün aşağıdakı linkə basın:

https://ru.wikipedia.org/wiki/%D0%9A%D1%80%D0%B8%D1%81%D1%82%D0%BE%D0%B2%D1%81%D0%BA%D0%B8%D0%B9,_%D0%92%D0%BB%D0%B0%D0%B4%D0%B8%D0%BC%D0%B8%D1%80_%D0%95%D0%B2%D0%B3%D0%B5%D0%BD%D1%8C%D0%B5%D0%B2%D0%B8%D1%87