Vaqner Manisoba de Moura – braziliyalı teatr və kino aktyoru, rejissor və jurnalistdir. 2007-ci ildə “Əlahiddə dəstə” filmində oynadığı kapitan Robertu Nasimentu rolu ilə şöhrət qazanıb. Daha sonra filmin sikvelinə (“Əlahiddə dəstə 2”) çəkilib. Beynəlxalq şöhrəti isə ona 2013-cü ildə “Elizium” elmi-fantastik trillerində və “Narko” serialında oynadığı rollar (Pablo Eskobar) gətirib. Pablo Eskobarı canlandırdığına görə 2016-cı ildə “Qızıl qlobus” mükafatına namizəd olub. 2017-ci ildə rejissor kimi debüt edərək, 1969-cu ildə hərbi diktatura agentləri tərəfindən öldürülmüş şəhər partizanı Karlus Marigelle haqda bioqrafik film çəkib. 2018-ci ildə Sosializm və Azadlıq Partiyasını dəstəkləyib. Braziliya ciu-citsusu üzrə qırmızı kəmər sahibidir. Həmçinin tay boksu ilə məşğuldur.

Ətraflı məlumat üçün aşağıdakı linkə basın:

https://en.wikipedia.org/wiki/Wagner_Moura