Oliviya Dabo (ing. Olivia d’Abo) – britaniyalı aktrisa, müğənni və musiqiçidir. Oliviya Dabo 22 yanvar 1969-cu ildə İngiltərənin London şəhərində anadan olub. Böyük ekranlarda debütünü 1984-cü ildə “Dağıdıcı-Konan” filmində edib. Ardınca növbəti onilliklər ərzində 80-dən çox filmdə rol alıb. Bo Dereklə “Bolero” filmində oynadığı rol karyerasının ən uğursuz performanslarından hesab olunur. Belə ki, həmin rola görə “Qızıl moruq” anti-mükafatına layiq görülüb. Bundan sonra onun karyerasındakı yüksəliş dövrü başa çatıb və tənəzzül dövrü başlayıb. Başlıca olaraq “B” kateqoriyalı aşağıbüdcəli filmlərə çəkilməyə başlayıb, ara-sıra cizgi filmi qəhrəmanlarını səsləndirib. Dabo daha çox 1988-1993-cü illərdə çəkildiyi “Möhtəşəm illər” teleserialında oynadığı rolla tanınır. 2000-ci  ildə “Qanun və qayda: Cinayət niyyəti” detektiv serialında vaxtaşırı görüntülənib. Dabo musiqi prodüseri və nəğməkar şair Patrik Leonardla evlidir. Bir övladı var.

Ətraflı məlumat üçün aşağıdakı linkə basın:
https://ru.wikipedia.org/wiki/%D0%94%E2%80%99%D0%90%D0%B1%D0%BE,_%D0%9E%D0%BB%D0%B8%D0%B2%D0%B8%D1%8F