Rakel Uelç (5 sentyabr 1940) – amerikalı aktrisadır. Co Rakel Uelç 5 sentyabr 1940-ci ildə Çikaqo şəhərində ingilis və boliviyalı ailəsində anadan olub. Erkən yaşlarından artistlik bacarıqları ilə yaşıdlarından fərqlənib. Artıq 19 yaşında olanda həvəskar teatrda çıxış etməyə başlayıb. 1959-cu ildə Ceyms Uelça ərə gedib. Əri ilə birgə San Dieqoya köçüb və orada yerl telekanallardan birində hava proqnozu aparıcısı işləməyə başlayıb. İki uşağının tərbiyəsi ilə məşğul olduğundan, Kaliforniya Universitetində təhsilini yarımçıq qoymalı olub. Əri ilə boşandıqdan sonra övladları ilə birlikdə Dallasa köçüb. Orada “Neiman Marcus” şirkətinin moda nümayişlərində iştirak etməklə dolanmağa başlayıb. Müəyyən nailiyyət əldə etdikdən sonra Hollivuda yollanıb və 1964-cü ildən etibarən ilk kinofilmlərinə çəkilməyə başlayıb. Populyarlığı ona 1966-cı ildə ekranlara çıxan “Fantastik səyahət” və “Bizim eradan milyon il əvvəl” (1966) filmləri gətirib.

Ətraflı məlumat üçün aşağıdakı linkə basın:
https://ru.wikipedia.org/wiki/%D0%A3%D1%8D%D0%BB%D1%87,_%D0%A0%D0%B0%D0%BA%D0%B5%D0%BB%D1%8C