Trevor Çarlz Horn (ing. Trevor Charles Horn) – britaniyalı musiqi prodüser, nəğməkar şair və musiqiçidir. “Qremmi” mükafatı laureatıdır. “Buggles”, “Yes” və “Art of Noise” musiqi qruplarında çıxış edib. Horn 15 iyul 1949-cu ildə İngiltərənin Darem bölgəsində anadan olub. Musiqi karyerasına 1970-ci illərin sonlarında, müğənni Tina Çarlzın musiqi kollektivinin tərkibində başlayıb. 1977-ci ildə Horn və klaviş alətləri ifaçısı Ceff Dauns “Buggles” qrupunu yaradıblar. 1979-cu ildə “Video killed the radio star” adlı mahnıları Britaniya çartlarında birinci yeri tutub. Horn “Pet Shop Boys”,  Şer, Qreys Cons, Seal, Propaganda, Tina Törner, Liza Stenfild, Tom Cons, Pol Makkartni, Simple Minds, Eris Ramazzotti, Mayk Oldfild, Mark Almond, Tatu, Şarlott Çörç, Lien Reyms və başqa musiqi qrupları və müğənnilərin prodüseri olub. 11 noyabr 2004-cü ildə “Uembli” idman arenasında onun yaradıcılığının 25 illiyinə həsr olunmuş xeyriyyə konserti keçirilib. Uels şahzadəsi Çarlzın xeyriyyə fondu tərəfindən təşkil olunmuş konsertdə onunla əməkdaşlıq etmiş əksər müğənnilər və qruplar iştirak edib.

Ətraflı məlumat üçün aşağıdakı linkə basın:
https://ru.wikipedia.org/wiki/%D0%A5%D0%BE%D1%80%D0%BD,_%D0%A2%D1%80%D0%B5%D0%B2%D0%BE%D1%80