Oleq Borisoviç Kulikoviç – Sovet və Rusiya teatr və kino aktyorudur. 2003-cü ildə Rusiya Federasiyası əməkdar artisti adını alıb. Oleq 1958-ci ildə anadan olub. Atası kinooperator Boris Kulikoviçdir. Şepkinski adına peşə məktəbində oxuyub. Aktyorluq sənətinin incəliklərini 1971-ci ildə Gənc Yaradıcılıq Teatrında öyrənməyə başlayıb. 1980-ci ildə Rusiya Dövlət Səhnə Sənəti İnstitutunu bitirib. Leninqrad Gənc Tamaşaçılar Teatrı, Lensovet adına Teatr, Liteyni teatrının tamaşalarında iştirak edib. 1988-ci ildən “Baltiyskiy Dom” teatrının aktyorudur. Filmlərə və seriallara çəkilsə də, əsasən səsləndirmə və dublyaj sahəsində populyarlaşıb. “Titanik”, “Santa-Barbara”, “Uoll Strit”, “Ədalət sərkərdələri” və digər məşhur film və serialların dublyajında onun səsini eşitmək olar.

Ətraflı məlumat üçün aşağıdakı linkə basın:
https://ru.wikipedia.org/wiki/%D0%9A%D1%83%D0%BB%D0%B8%D0%BA%D0%BE%D0%B2%D0%B8%D1%87,_%D0%9E%D0%BB%D0%B5%D0%B3_%D0%91%D0%BE%D1%80%D0%B8%D1%81%D0%BE%D0%B2%D0%B8%D1%87