Nikolay Nikolayeviç Yeryomenko kiçik 14 fevral 1949-cu ildə Vitebskdə (Belarus SSRİ, SSSR) anadan olub. Rusiya Federasiyasının xalq artistidir (1994). Nikolay Yoeryomenko SSSR xalq artisti Nikolay Yeryomenkonun və BSSR xalq artisti Qalina Aleksandrovna Orlovanın ailəsində anadan olub. 1967–ci ildə ÜDKİ (kinematoqrafiya institutuna) daxil olub və 1971-ci ildə təhsilini bitirib, elə həmin ili Teatrın kinoaktyor studiyası-truppasına daxil olub. 1976-cı ildən M.Qorki adına Kinostudiyasının aktyorudur. Kinematoqrafiyada 1969-cu ildə S.Gerasimovun “Göl qırağında” filmi ilə debüt edib. “Sovet ekranı” jurnalının apardığı sorğuya görə “XX əsrin quldurları” filmində Sergey Sergeyeviç roluna görə 1980-cı ilin ən yaxşı aktyoru seçilib. 2001-ci ildə Moskvada, Botkinski xəstəxanasında, insult nəticəsində dünyasını dəyişib. 31 may 2001-ci ildə Minskin Şərq qəbirstanlığında, atasının yanında dəfn olunub.

Ətraflı məlumat üçün aşağıdakı linkə basın:
https://ru.wikipedia.org/wiki/Ерёменко,_Николай_Николаевич_(младший)