Reymond Herbert (Rey) Uayz 20 avqust 1947–ci ildə anadan olub. “Tvin Piks” teleserialında Liland Palmer, “Robot Polis” filmində Leon Neş, “Biçinçi” filmində iblis rolu ilə tanınıb. 60-cı illərin sonu 70-ci illərin əvvəllərində “Həyat eşqi” sabun operasında hüquqşünas Ceymi Rollinz rolunu ifa edib. 1982-ci ildə eyniadlı komikslər əsasında çəkilən “Swamp Thing” filmində Alek Holland rolunda çəkilib. “Tvin Piks” kult serialından savayı Uayz bir neçə elmi-fantastik filmlərdə çəkilib. “Yarış” filmində milyonçu Dalton Voss rolunu ifa edib. “Cipers Kripers 2” fimində Cek Taqqart-böyük rolunda çəkilib. Command & Conquer: Red Alert 2 kompüter oyununda və onun Command & Conquer: Yuri's Revenge addonunda Birləşmiş Ştatların prezidenti Maykl Duqanı canlandırıb. 2008-ci ildə “Tim and Eric Awesome Show, Great Job1” serialının epizodlarından birində iştirak edib. 2011-ci ildə “İks adamlar: Birinci sinif” və “Havay 5.0” filmlərində çəkilib. Rejissor Viktor Salvanın “Rozvud Leyn” qorxu filmində detektiv Briqs rolunda görünüb.

Ətraflı məlumat üçün aşağıdakı linkə basın:
https://ru.wikipedia.org/wiki/%D0%A3%D0%B0%D0%B9%D0%B7,_%D0%A0%D1%8D%D0%B9