Sezən Aksu 13 iyul 1954-cü ildə Türkiyədə anadan olub. Türkiyənin məşhur müğənnisi 2010-cu ildə Amerikanın NPR radiosu tərəfindən təyin olunan "50 Böyük Səs" siyahısında yer alıb. Sezen Aksu musiqi karyerası boyunca 23 albom çıxarıb. Müəllim ana və ataya sahib olan Aksu, üç yaşında ailəsi ilə İzmirə köçüb. Bu müddətdə üsyankar şəxsiyyəti ilə diqqət çəkən Aksu, rəqqasə olma xəyali qurmağa başlayır. Sənətçi, daha sonrasında, bu müddət üçün "Allah atama ağrıdı da müğənni oldum" qeyd etmişdi. Gəncliyində sənətin bir çox budağına maraq duyan Aksu, 1970-ci ildə "Həftəonu" adlı jurnalın açdığı səs yarışmasında altıncı olur. 1973-cü ildə Ege Universiteti Əkinçilik Fakültəsinə qəbul olan sənətçi, 1974-cü ildə üç mahnısını bir səsyazma şirkətinə göndərir. Eyni il Ali Engin Aksu ilə evlənən sənətçi, universitetdən də ayrılır. 1974-cü ilin son aylarında val istehsalı üçün İstanbula gedir. İlk qırx beşliyini Sezen Seley adıyla nümayiş edən sənətçi, bu "Haydı Şansım" adını verdiyi əsərini 1975-ci ildə nümayiş etdirir. Ancaq albom yalnız əlli nüsxə satır. Bunun ardından 80-ci illərin əvvəlinə qədər davamlı olaraq yeni qırx beşliklərini çıxarır. İlk albomunu isə 1977-ci ildə "Allaha ısmarladık" (Xudahafiz) adıyla nümayiş edən sənətçi, albomdakı "Neçə il keçdi aradan" adlı mahnısıyla dövrə görə böyük bir addım atır. 1978-ci ildə Hurşid Yenigünün iki mahnısına söz yazan sənətçi, həmin dövrə görə böyük bir səs gətirir. 1978-ci ildə ikinci albomu "Sərçəni" nümayiş edən Aksu, baş rolunu Bulud Arasla paylaşdığı "Kiçik Sərçə" filmində rol alır. Sənətçi bu tarixdən sonra "Kiçik sərçə" adıyla xatırlanmağa başlayır. Sənətçi, daha sonra 10 iyul 1981-ci ildə Sinan Özərlə evlənir. 1981-ci ildə Mithat Can Özəri dünyaya gətirir. Sonrasında Şənər Şən, İlyas Salman, Ayşən Gruda kimi adlarla "Min il əvvəl, min il sonra" adlı müzikalda rol alır. Daha sonra 1989-cu ildə ikinci filmi olan "Böyük Təklik"də (Yavuz Özkanın rejissorluğunda), Fərhan Şənsoyla baş rolu paylaşaraq oynayıb. 199-ci ildə Türkiyə tarixinin ən çox satan albomlarından "Gülümsə"ni nümayiş edən sənətçi, 60-cı illərin musiqisində çox əhəmiyyətli bir yer aldığı kimi, Sertab Erener, Harun Kolçak, Aşkın Nur Yengi, Ləvənt Yüksəl, Işın Karaca, Hande Yenər, Yıldız Tilbe kimi bir çox adı musiqi bazarına qazandırıb və bir çox əhəmiyyətli sənətçiyə dəstək olub. Sənətçi son olaraq 2009-cu ildə "Gedirəm düş bağçalarında" adlı albomuna imza atıb.

Ətraflı məlumat üçün aşağıdakı linkə basın:
https://az.wikipedia.org/wiki/Sez%C9%99n_Aksu