Timoti Şon Ebell – amerikalı aktyordur. Aktyor olmazdan əvvəl əlbəyaxa döyüş növləri ilə məşğul olub. Bir müddət reyncer işləyib. Həmçinin ayrı-ayrı vaxtlarda bal rəqsləri, atçılıq və kulinariya üzrə təlimatçı kimi fəaliyyət göstərib. Ekranlarda debütünü 1990-cı ildə gerçəkləşdirib (“Elliot Famen”). Aktyorun bədii arsenalında 70-ə yaxın kino və televiziya rolu yer alır. Daha çox “Biz əsgər idik” (We were Soldiers), “Tanrının əsgəri”, “Komodo adasının lənəti” (The Curse of Komodo), “Ağca: Ölümcül yay” («Snow White: A Deadly Summer) filmləri və “Uğur əsgərləri” (Soldiers of Fortune) serialında oynadığı rollarla tanınır. 2005-ci ildə “Müdrik çayındakı möcüzə” (Miracle at Sage Creek) filminin yaradılmasında iştirak edib. Həmin vaxtdan bəri prodüser kimi də fəaliyyət göstərməyə başlayıb.

Ətraflı məlumat üçün aşağıdakı linkə basın:
https://www.vokrug.tv/person/show/tim_abell_tim_abell/